قصيدة كلب الست مكتوبة كاملة، فؤاد نجم هو واحد من أشهر الشعراء في الشعر العربي العامي في الوطن العربي، ولقد شغل الدنيا بقصائده التي كان يكتبها ويغنيها المطربين العرب، فأغانيه هي أيقونات لازالت تتردد إلى يومنا هذا، وفي تاريخ 3 من شهر ديسمبر من العام 2021 تحل ذكرى وفاته الحادية عشر، وله حكاية معروفة مع المطربة المشهورة وكوكب الشرق السيدة أم كلثوم، وهي القصيدة التي دونها بسبب قصة كلب السيدة أم كلثوم الذي عض أحد المواطنين والذي يدعى إسماعيل، ووفق القصة فإن الشرطة قد ألقت القبض على إسماعيل وأطلقت سراح كل المطربة أم كلثوم وهنا قرر أحمد نجم كتابة قصيدة حول هذا الشأن وسماها قصيدة كلب الست، وسنقوم بكتابة قصيدة كلب الست مكتوبة كاملة في سطورنا المقبلة.

قصيدة كلب الست في التلفزيون العربي

نص قصيدة كلب الست مكتوبة كاملة والتي كتبها الشاعر المصري أحمد نجم هو كما يلي :

  • في الزمالك من سنين.. و في حمى النيل القديم.. قصر من عصر اليمين.. ملك واحدة من الحريم .. صيتها أكتر من الأذان.. يسمعوه المسلمين.. و التتر.. و التركمان والهنود والمنبوذين.. ست فاقت على الرجال.. في المقام و الاحترام.. صيت و شهرة وتل مال.. يعني في غاية التمام..
  • قُصره يعني هي كلمة.. ليها كلمة ف الحكومة.. بس ربك لأجل حكمة.. قام حرمها من الأمومة.. والأمومة طبع ثابت.. جوه حوا من زمان.. تعمل ايه الست؟ جابت/فوكس رومي وله ودان.. فوكس دا عقبى لأملتك.. عنده دستة خدامين.. يعني مش موجود في عيلتك..
  • شخص زيه يا اسماعين.. واسماعين دا يبقى واحد.. من الجماعة التعبانين.. اللي داخوا في المعاهد.. والمدارس من سنين.. حب يعمل واد فكاكه.. ويمشي حبه في الزمالك.. والقَيامة و الفتاكة.. يرموا طبعا ع المهالك.. عم سمعه من قيامته.. حب يعمل فيها فله..
  • بعد ما قلوظ بيجامته.. اشترى حتة مجله.. قول مشي بيقرا ف حكاية.. من حكايات الغرام.. واندماجه في القرايه.. خلا مشيه مش تمام.. ع اليمين يحدف بعيد.. خطوتين ويروح شمال.. لمحه فوكس من الحديد.. قال دا صيد سهل و حلال.. هوب نط في كرشه دوغري..
  • جاب بيجامته لحد ديلها.. اسماعين بدال ما يجري.. قال يا رجلي رجلي مالها.. بص شاف الدم سايح.. من عاليها و من واطيها.. وياللي جاي و ياللي رايح.. المجلة مش لاقيها.. حبه و اتلموا الظنايا.. اللي هما البوابين.. و الهكايه و الروايه.. قال لهم دا كلب مين ؟..
  • كلب مين ما كلب مينشي.. سمعه زود حبتين.. قال له واحد فيهم امشي.. اللي جابك عنده مين.. قال دا شارع يا مواشي.. والجميع بيمروا منه.. الى راكب واللي ماشي.. مستحيل نستغنى عنه.. كلمة من دا .. و كلمة من دا.. ظاطو و اترسمت فضيحة..
  • قول نهايته و القصد من دا.. اسماعين أكل الطريحة.. راحوا قسم الشرطة طبعاً.. و النيابة كفيلة بيهم.. و اترموا ف الحجز جمعاً.. لما ييجي الدور عليهم.. حبة والشاويش أمين.. قال: سعيد النقشبندي.. قام غريم عم إسماعيل.. قال له: محسوبك يا افندي.. قام سي سمعة يروح معاه..
  • الشاويش قال: غور بدمك راح تعوصني .. وفوق قفاه كف طرقع : داهية في أمك.. تفتكر يفضل سي سمعة.. قد إيه في القسم نايم.. استضافه الحجز جمعة يا بلاش .. آدي العزايم شاف بلاوي ما تتحكيش.. من الجماعة المسجونين.. قال يا عالم يا شاويش يا نيابة .. يا مسئولين..
  • خلصوه بعد المناهدة.. جثه من جحر الديابه.. هي حسبة ساعة واحدة.. كان في مكتب النيابة.. قال له مالك يا اسماعين.. قال له زي البمب مالي.. قال له عضك فوكس فين؟.. قال له سيبني أروح لحال.. انت شوف سي فوكس يمكن.. خد تسمم غصب عني..
  • الوكيل قال برضه ممكن.. و الشاويش قعد يغني.. هيص يا كلب الست هيص.. لك مقامك في البوليس.. بكرة تتولف وزارة للكلاب.. وياخدوك رئيس.. انت تسوى ف النيابة.. تسعمية م الغلابة.. طب يا ريت يا فوكس كنا.. ولا تربطنا القرابة.. انت فين و الكلب فين..
  • انت قده يا اسماعين.. طب دا كلب الست يا ابني.. وانت تطلع ابن مين؟.. بشرى لصاحب الديول.. وللي له أربع رجول.. بشرى لأسيادنا البهايم.. من جمايس أو عجول.. اللي صاحبه يا جماعة.. له أغاني ف الاذاعة.. راح يدوس فوق الغلابة والنيابة بالبتاعة..

قصيدة كلب الست مكتوبة كاملة لها قصة غريبة وقعت عندما قرر طلبة معهد التربية في الهرم بأن يقيموا يوم رياضي لهم في الزمالك خلف منزل كوكب الشرق أم كلثوم، وعند مرور الطلاب من أمام فيلا أم كلثوم هاجم كلبها أحد الطلبة يدعى إسماعيل، حيث توجه الطالب إلى مخفر الشرطة لتقديم دعوى هناك فسجن الطالب وأطلق سراح الكلب، ولكن أبرز ما استثار الشاعر أحمد نجم وجعله ينظم قصيدة كلب الست هو موقف الطالب المتفاخر بأن كلب أم كلثوم قد عضه.